VETTINGA

VETTINGA

vicus Helvetiae, ad Limagum, infra tigurum, non longe a Thermis Helveticis, Abbatiâ Ordin. Cistertiensium et antiquitate illustris. Hîc in vetusto lapide inscriptio visitur, Isidi Deae facta; quam referunt Guillimannus, p. 123. Stumpf. Chron. l. 6. Russingerus Antiquarius Basiliensis, Iohan. Bapt. Plantinus, Helv. Antiq. et Nov. etc. Vide Wettinga. Latine Monasterium Maris Stella appellatur, et originem habet a Dominis Rupertivillanis ad Lacum Tigurinum. Cum enim Hartmannus, comes Dillinganus et Kyburgicus, bona sua, quae Vettingae habebat, Henrico Rupertivillano certâ pecuniae summâ vendidisset, A. C. 1227. hic haud multo post, Monasterium ibi moiiri coepit, quem in finem aliquas centenas argenti marcas, Eberhardo de Salem, Abbati numeravit, insuperque quae in Urio pago, per uxorem Annam Comitem Hombergicam possidebat, eodem contulit. Secuti dein Nobiles vicini, certatim munificentiâ suâ coeptum opus auxêre, reditibusque locupletibus Monasterium dotavêre. Henricus Wassersteltzius Baro, Hartmannus Comes Kyburgicus Pater et Fil. Ulricus Liebenbergius Burggravius Rhenofeldensis, Lutoldus Regenspergicus, Aliique. Sic ut opes Abbatum in immensum creverint, e quibus Georgius Mullerus Badensis, cum toto Conventu, A. C. 1529. die 18. Augusti exutô cucullô, et Missâ, imaginibus ac ceremoniis Pontificiis abolitis Euangelio nomen dederunt, ac Tigurinis Bernensibusque se iunxerunt: verum, annô sequente restitutis Latinis ritibus, Abbas e Monasterio descessit Tigurum, ibique reliquum vitae degit; Monachi vero hinc inde dispersi, partim Tigurino in agro, partim alibi locorum, Euangelium annuntiâ runt. Contra ab Helvetiorum Cantonibus Latinorum rituum retinentibus, Abbas Suffectus est A. C. 1532. qui A. C. 1507. Monasterium, incendiô excitatô, tantum non penitus in cineres Monachus redegerat etc. Sepultus fuit in hâc Abbatia Albertus Imperator ad Vindonissam A. C. 1308. Nobilitatis insidiis sublatus; donec corpus eius Spiram inde transferretur. Nec omittenda est hîc inscr. cuius mentio facta; sic autem habet: Deae. Isidi. templum. a solo. L. Annusius. Magianus. de. suo. posuit. vir. Aquensis. ad. cuius. templi. ornamenta. Alpinia. Alpinula. Coniunx. et. Peregrina. Fil. XC. dederunt. l. d. d. Vicanorum. Vide Stumpfium, loc. cit.